Ինչու՞ բուհեր
2023-ի մեր կարոևոր ձեռքբերումներից էր համագործակցությունը հայաստանյան բուհերի հետ։ Համագործակցության հետ կապված մեր պատկերացումների կենտրոնում ուսանողներին որակյալ, ճիշտ ինֆորմացիա տալու ցանկությունն էր՝ դիզայնի և ՏՏ ոլորտի մասին։
ԵՊՀ-ի հետ համագործակցության արդյունքը UX/UI դիզայնի արդիականությունը և հեռանկարը թեմայով սեմինար-քննարկումն էր, որ տեղի ունեցավ դեկտեմբերի 22-ին։
Սեմինարի ընթացքը
Սեմինարի ծրագիրը կազմվել էր կենդանի օրինակների և մեր սեփական փորձի հիման վրա, ինչը ընթացքը էլ ավելի հետաքրքիր ու տրամադրող դարձրեց։
Սեմինարը վարում էր PIXEL IT School-ի և PIXEL IT COMPANY-ի հիմնադիր տնօրեն Դիանա Հակոբյանը, ով ավելի քան 10 տարի մասնագիտացած է դիզայնի ոլորտում և համագործակցում է հայաստանյան ու միջազգային մի շարք առաջատար ընկերությունների հետ։
Սեմինարը սկսեցինք UX/UI դիզայնի պարզաբանմամբ,խոսեցինք մասնագիտության նպատակի, պատմության և առանձնահատկությունների մասին։
Արդիականությունից մինչև հեռանկար
Ինչպես և սեմինարի վերնագիրն էր հուշում, դասընթացի հիմնական թեման UX/UI դիզայնի արդիականության և հեռակարի քննարկումն էր։
Ուսանողների հետ փորձեցինք հասկանալ, թե ի՞նչ խնդիրներ է լուծում մասնագիտությունը մեր օրերում։ Քննարկեցինք նաև մասնագիտության հնարավոր զարգացումն ու հեռանկարը ապագայում՝ զուգահեռներ տանելով արհեստական բանականության բերած մարտահրավերների հետ։
Սեմինարը հիանալի հնարավորություն էր՝ ուսանողների հետ շփման, հավաստի ինֆորմացիա հասցնելու և քննարկման համար։
Սեմինարների շարքը հայաստանյան բուհերում կլինի շարունակական։