CX դիզայն․ ի՞նչ է իրենից ներկայացնում այն

5 րոպե

Եվ այսպես՝ Ի՞նչ է CX-ը

Եթե բացենք հապավումը, կունենանք Customer Experience՝ այսինքն՝ հաճախորդի փորձառություն։ Եթե UX-ի դեպքում մենք գործ ունենք օգտագործողի՝ պրոդուկտից ստացած փորձառության հետ, ապա CX -ի գործառության շրջանակները մի փոքր ավելի լայն են։ Հաճախորդի փորձառությունը՝ CX -ը սահմանվում է նրանով, թե ինչպե՞ս է անձը՝ հաճախորդը, շփվում ոչ միայն արտադրանքի՝ պրոդուկտի, այլ նաև ամբողջ ընկերության ու բրենդի հետ։

Կայքը կամ հավելվածը իհարկե որոշակիորեն ապահովում են  շփում, փորձառության ստեղծում օգտագործողի հետ, բայց չեն  տալիս ամբողջական փորձառություն բրենդի․ այնպիսին, ինչպիսին տալիս է բրենդին CX-ը։  Վերջիվերջո մարդու, հաճախորդի փորձառությունը ձևավորվում է ոչ միայն կայքի, այլ նաև ընկերության հետ որոշակի փոխհարաբերության արդյունքում։

Իսկ ինչե՞ր են ընկած CX դիզայնի հիմքում

  • Բրենդի վարկանիշ
  • Հաճախորդների սպասարկում
  • Կարեկցանք 
  • Արժեք
  • Վաճառք
  • Գովազդ
  • Մարքեթինգ
  • Պրոդուկտի առաքում 

Հենց այս և մի շարք այլ ուղղությունները ուսումնասիրելուց հետո միայն հնարավոր է ունենալ լավ CX դիզայն կայքի համար։ Այսինքն CX-ը ընդհանուր առմամբ կապում է բրենդը, կայքը և հաճախորդին՝ փորձելով ստեղծել դրական փորձառություն բրենդի և ոչ միայն պրոդուկտի մասին։

Ինչպես UX դիզայնի դեպքում,  CX–ի դեպքում ևս դիզայն գործընթացը ընդգրկում է մտավոր և նախապատրաստական երկարատև փուլեր ու հմտություններ՝ սկսած բրենդի և մարքեթինգի մասին տեղեկացվածությունից, մինչև հաճախորդի վարքագծի ուսումնասիրություն և այլն։

CX և UX դիզայններ․ ո՞րն է սահմանը

CX-ը բարելավելու մեթոդները ևս ունեն ընդհանրություններ UX-ի հետ։ Այստեղ ևս կազմվում են հաճախորդի ճանապարհորդության քարտեզներ Journey Map-եր, որոնք ցույց են տալիս , թե ի՞նչ քայլեր է կատարել հաճախորդը բրենդից օգտվելիս, ի՞նչ խնդիրների և դժվարությունների է բախվել և ինչպե՞ս վերստեղծել կամ բարելավել կապը հաճախորդի հետ։

Իրականում շատ մասնագետների համար սահմանը UX և CX դիզայնների միջև շատ բարակ և անգամ անբաժանելի է և երկուսը արվում են միասին՝ մեկ մասնագետի կողմից։ Կատարել 2  մասնագիտություն միասին հնարավոր է , սակայն այլ հարց է, թե ինչքանո՞վ կտուժի դրանցից որևէ մեկի որակը, քանի որ երկուսն էլ բավականին մեծ ծավալի աշխատանք պահանջող ուղղություններ են դիզայնում։

Ամեն ինչ և մասնավորապես անհրաժեշտությունը դիմել նեղ մասնագետին կախված է բրենդի խնդիրներից և նպատակներից։

Դե ինչ, մենք փորձեցինք ամփոփ ներկայացնել հաճախորդի փորձառության՝ CX-ի գաղափարը։

Ավելի մանրամասն մասնագիտության մասին կպատմենք մեր հետագա բլոգներում։

 

Վերջին նորությունները

Բաժանորդագրվել

Բաժանորդագրվել

Բաժանորդագրվել

Բաժանորդագրվել

Բաժանորդագրվել

Բաժանորդագրվել